ഇന്നലെ ഓഫീസ് കഴിഞ്ഞു വരും വഴി തേടിയ വള്ളി; ബൈജു കാലിൽ ചുറ്റി. ന്നാപ്പിന്നെ സ്കൂൾ വരെ പോയാല്ലോന്ന് വള്ളി. സ്കൂളിലെത്തി HM നെയും കണ്ട് നേരേ വേപ്പുമരച്ചോട്ടിലേയ്ക്ക്. 23.4.2018 ന് ഒന്നാം പിറന്നാൾ കഴിഞ്ഞ് സുമാർ ഒരു മാസവും പതിനൊന്നു ദിവസവും അതാണ് പ്രായം. എന്നിട്ടും താങ്ങുവടി ഒക്കെ ഉപേക്ഷിച്ചു ഗമയിൽ നിൽക്കുവാണ് കക്ഷി. അല്ലെങ്കിലും ജന്മം കൊണ്ടുകഴിഞ്ഞാൽ സ്വയം നിവർന്നു നിൽക്കാൻ മനുഷ്യനോളം സമയം വേണ്ടിവരില്ലല്ലോ മറ്റൊരു ജീവിക്കും. മരങ്ങൾക്ക് പ്രത്യേകിച്ചും. പിഞ്ചു കാൽപ്പാദം നിലത്തുറപ്പിച്ചു നിവർന്നെഴുന്നേറ്റ പിഞ്ചോമനയുടെ കുസൃതിച്ചിരിയും, നിഷ്കളങ്കത പൊട്ടിയൊലിച്ചിറങ്ങുന്ന ഇളംചുണ്ടിലെ ഒരിറ്റു തേൻതുള്ളിപോൽ കുഞ്ഞിലത്തുമ്പിലെ മഴത്തുള്ളിയും ഒക്കെ പ്രതീക്ഷിച്ചെത്തിയ ഞങ്ങൾക്ക് തെറ്റി. ഒരു ഹൈസ്കൂൾ കുട്ടിയുടെ മട്ടും ഭാവവും ആയിരുന്നു. കൗമാര വസന്തം മുഖത്തൊട്ടിച്ചു വയ്ക്കാറുള്ള സുന്ദര ശോണവർണ പൂമൊട്ടുകളും കാണാൻ കഴിഞ്ഞില്ല. ഒറ്റനോട്ടത്തിൽ ന്യൂജെൻ സ്റ്റൈലിൽ തലമുടി ആകാശത്തേക്ക് നീട്ടിവളർത്തി ഒരു ഫ്രീക്കൻ. വാ അളിയാ എന്ന മട്ടിൽ തൊട്ടടുത്തുള്ള ചങ്ക് ബ്രോ; ഞാവൽ മരത്തിന്റെ തോളിൽ കയ്യിട്ടൊരു നിൽപ്പാണ്.....
സ്കൂൾ തുറന്നതോടെ ഒറ്റപ്പെടലിന്റെ ആവലാതി ഒക്കെ മാറിയിരിക്കുന്നു. കാലവർഷം വന്നെത്തിയതിന്റെ സന്തോഷം വേറെയും. കൂട്ടുകാരുമായി കളിച്ചുല്ലസിച്ചും, ചില്ലറ പ്രണയാർദ്ര മനസുകളുടെ കുശലങ്ങൾ സുഖദം ശ്രവിച്ചും, അടുത്തേയ്ക്ക് വരുന്ന പിള്ളാരുടെ തലയിൽ വെള്ളം ഇറ്റിച്ചു രസിച്ചും.... ഞെരിപ്പുകളും മറ്റും തന്നെ....
വീണ്ടുവിചാരം തീരെ തീണ്ടാത്ത പ്രായമല്ലേ, അങ്ങനങ്ങു കയറൂരി വിടാനും പറ്റില്ല. ന്താപ്പോ ചെയ്കാ.. കുറച്ചു സമയത്തെ ആലോചനാമൃതം കഴിഞ്ഞ് ഞങ്ങളൊരു തീരുമാനം എടുത്തു. തത്കാലം വട്ടത്തിൽ ഒരു കമ്പി വേലി സ്ഥാപിക്കാം. അതിൽ മ്മടെ ബാച്ചിന്റെ പേര് കമ്പിയിൽ തന്നെ എഴുതിയും വയ്ക്കാം. അതാകുമ്പോൾ ചാടിപ്പോകത്തുമില്ല, മ്മടെ ചങ്കാണെന്ന് അറിയേം ചെയ്യും. HM നോട് കാര്യങ്ങൾ പറഞ്ഞ് വേലിവയ്ക്കാനുള്ള അനുവാദവും വാങ്ങി ഞങ്ങൾ ഇറങ്ങി. പിന്നെ ഫോട്ടം പിടുത്തം, സെൽഫി, ഫ്രീക്കന്റെ വക യോ യോ യും....🤘😎🤗
5. 06. 2018
https://www.facebook.com/groups/900928096683740/permalink/1600677750042101/